احذر من رؤية وجهك في المرآة مباشرة في الصباح !!!!

من اهم الاسرار للحفاظ على جمالك وشباب بشرتك:

لمًا تقومي من النوم الصبح متجريش على الحمام وتبصي على وشك في المراية و تغسلي وشك ووجهك لسة منفوخ وتعبان من الصحيان …

متخليش دية تكون اول حاجة تشوفيها في نفسك الصبح وتبدأي نهارك كدة …

لا غلط واحذري …

المفروض تشوفي وجهك في المرايا وهو مرتاح وانتي مبتسمة …

علشان كدة بقولك ، اول ما تصحي من النوم :

1- خدي دقيقة او نصف دقيقة تمطيع وافردي ذراعك وقومي بارتياح وهدوء …وانتبهي انك تقومي بسرعة
2- ابتسمي واتنبهي لبداية يوم جديد كله سعادة وتفائل باذن الله ونظرة مشرقة لاخبار سعيدة قادمة اليكي في الطريق اليوم
3- خدي نصف دقيقة على الاقل امتنان و شكر للخالق على نعمه عليكي (ايديكي رجليكي شعرك …..)اي حاجة تفتكريها اشكرية عليها
4- رتبي سريرك كدة على خفيف وغطي مكانك الدافي الي قمتي منة في السرير ….يعني الغطاء الي متغطية بيه غطي بيه السرير ترتيب كدة على خفيف
5- لو حتغسلي وشك واسنانك بلاش تبصي وتركزي في وشك في المرايا قوي لو حاسة ان لسة وجهك تعبان من النوم ومنفوخ ومش مرتاح
6- لو حابة تروحي المطبخ تعملي الشاي او قهوتك افضل تكوني فوقتي وبعدين شوفي وشك وهو مرتاح وبشوش و مبتسم علشان يبقى يومك حلو وهادي وجميل
7- لو حتاخدي دوش افضل حتفوقي وتبقي زي القمر وتبدأي يوم جميل
8- اي عادة بتعمليها كل يوم من اول ما بتصحي …

(النهاردة غيريها و ابدأي عادة جديدة بأي حاجة من الي قلتهم دول و ياريت كلهم ..لان علشان نغير حياتنا الى الافضل لازم نبدأ بتغيير عادتنا)
9- لبستي و جهزتي و رايحة الشغل …انتظري ابتسمي و ابدأي في توزيع الابتسامات على الجميع على اي حد تقابليه

«تَبَسُّمُكَ فِي وَجْهِ أَخِيكَ لَكَ صَدَقَةٌ»

 قال رسول الله صلى الله عليه وسلم

و بداية حلوة ليوم مفرح وجميل

10 – طيب لو قاعدة في البيت … انتظري متعمليش نفس عاداتك بتاعة كل يوم تجرى تنظفي ولا تشيلي الحاجات من هنا و هناك …

لا استني شوية …

اهدي كدة 3 دقايق واقعدي في مكان هادي واتنفسي بقوة وعمق اكسجين الصباح شهيق وزفير بعمق و ببطء ( خروج الشهيق والزفير ببطء ) ٧ مرات ورددي بطريقتك و عباراتك

• اليوم سوف ياتيني خبر سعيد
• السعادة تقترب مني و على ابوابي
• في طريقي الى ….( امنية لكي تريدين تحقيقها قوليها وردديها )
• انا ممتنة وشاكرة لكل شيء لدي وحولي
• لو كل واحد فينا غير عادة واحدة من عاداتة اليومية لمدة ٧ ايام …صدقوني النتيجة حتكون مزهلة … لان عاداتنا اليومية هية الي مخلية حياتنا راكدة مش متغيرة مافيهاش احداث سعيدة و رتيبة ومملة …بعد تغيير عادتنا حتتغير حياتنا الى الافضل لان الي احنا عايشين فية و بنعملة دائما كل يوم هوة الي بيرسلنا صورة ذهنية لما نعيشة الان و حياتنا الي حوالينا خلينا نتغير ونغير حياتنا بعادتنا .